Inva në Sarandë përkrah të dashurit biznesmen

Lidhja e sopranos Inva Mula dhe miliarderit kosovar Et’Hem Ramadani, tashmë është bërë më publike se kurrë.

Pasi ju treguam një javë më parë se ajo kishte shëtitur me jaht në Himarë, së bashku me çiftin Vera Grabocka dhe Timo Flloko, ja ku vijnë të tjera informacione rreth tyre. Dy çiftet kanë vazhduar udhëtimin e tyre në bregdetin shqiptar dhe këtë herë janë shfaqur në një aktivitet kulturor në Sarandë, kushtuar Nënë Terezës.

Kjo është hera e parë, kur Inva dhe Et’hemi prezantohen si çift në një ambient artistësh dhe të populluar, çka do të thotë se tashmë ata i kanë hequr gjithë barrierat e publikimit të marrëdhënies së tyre.

Sigurisht, tashmë që Inva ka marrë divorcin nga ish-bashkëshorti i saj, kantautori Pirro Çako dhe ka fituar kujdestarinë e djalit Anthony, nuk ka asnjë pengesë për ta legjitimuar lidhjen e saj të dashurisë, të mohuar prej saj para një viti në një intervistë televizive. (Bluetooth)