Nora Istrefi – së shpejti me videoklip të ri

Nora Istrefi ka premtuar edhe një videoklip të ri muajin e ardhshëm, sapo të shijojë ca kohë pushim nga vera e ngjeshur.

“Momentalisht jam duke pushuar, por besoj se pas një muaji do të lansoj edhe një video-klip të ri”, ka thënë Nora për Telegrafi.

Këngëtarja kosovare, e cila javë më parë realizoi videoklipin në bashkëpunim me hip-hop grupin TDS, është shprehur për Telegrafi.com se është shumë e kënaqur me suksesin e këngës.

“Bashkëpunimi me grupin ‘TDC’ ka rrjedhur shumë natyrshëm. Jam ndarë shumë e kënaqur me tre djelmoshat dhe ndihem shumë e kënaqur që kjo këngë është duke korrur shumë sukses”, ka shtuar këngëtarja.

Ndërsa sa i përket martesës, Nora ka thënë se njëherë përnjëherë nuk ka asnjë plan, por sigurisht se në të ardhmen e afërt ajo do ta kurorëzojë fejesën e saj me Robertin edhe me martesë.