Po miqtë tanë të Forumit VIP, janë pro apo kundër tatuazheve në trup? Cila është domethënia e tyre dhe a janë penduar ndonjëherë që kujtimet e jetës së tyre i kanë fiksuar në tatto?

Loreta Fishta (modele)

Mua më pëlqejnë tmerrësisht shumë tatuazhet, por faktikisht si modele nuk më lejohet të bëj aq shumë sa kam dëshirë. Kam një tatuazh në dorë, i cili është emri im dhe i të fejuarit, Loreta & Klaus, e shkruar si me dorë fëmije. Por këtë vit dua të bëj një tjetër rreth këmbës, i cili do ketë të shkruar “If tomorrow i will Die, what will i remember of yesterday”. Veç këtyre mua më pëlqejnë shumë shenjat e leopardit edhe shkrimi romak. Pra jam totalisht pro tatuazheve.

Erkand Qerimaj (peshëngritës)

Nuk është se jam kundër tyre në fakt, pasi edhe më pëlqejnë tatuazhet, por i vetmi problem që kam është se ata mbeten gjatë gjithë jetës në trup, ndaj dhe nuk kam marrë guximin të bëj ndonjë. Mendoj se mund të më mërzitet shumë shpejt, kështu që më mirë kam vendosur që për momentin të mos eksperimentoj, por kjo nuk do të thotë që në një të ardhme të mos kem tatuazh në trup. Nuk i dihet!

Klodian Hoxha (aktor)

Është e vërtetë që tatuazhet sot janë kthyer në mani, megjithatë unë nuk jam pro tyre, kur janë të tepruara. Në trupin tim kam dy tatuazhe, përkatësisht një tribal në pulpën e këmbës dhe ”engjëllin e vdekjes” në parakrah. Nuk kanë ndonjë domethënie të veçantë për mua, por thjesht më kanë pëlqyer si kompozim, prandaj dhe i kam bërë

Erion Zeqiraj (ish konkurrent në BB3)

Tatuazhet janë një simbolikë shumë e vjetër që në vende të ndryshme kanë kuptime të ndryshme. Në shumë vende tatuazhet simbolizojnë edhe kriminelët, ose njerëzit që kanë kryer burg dhe një person që mban tatuazhe është një person negativ dhe kriminel. Por sot tatuazhet janë kthyer në një mani ku shumë të rinj kanë dëshirë të kenë një të tillë në trupin e tyre që mund të jetë një simbolikë, apo një domethënie e përdorur për qëllime estetike për të mbuluar defektet në trup. Jam pro tatuazheve dhe i dua shumë, por jam pro tatuazheve që kanë një motiv, ose një simbolikë domethënëse. Unë kam një tatuazh në kurriz, (pak poshtë qafës) që është një tribal me një sy dhe një buzë. Është një tatuazh që simbolizon diçka po nuk do kisha dëshirë ta bëja publike. Kam dëshirë që në të ardhmen të bëj edhe tatuazhe të tjera, por të radhës dua ta bëj tani së shpejti.

Linda Pepnikaj (këngëtare)

Për sa i përket bërjes, apo jo të tatuazheve jam dakord. Më pëlqen që të praktikohen tek secili që mund të ketë dëshirë, duke qenë se edhe unë i preferoj. Aktualisht unë kam bërë disa tatuazhe në trup, por lidhur me atë se çfarë sinjifikojnë nuk mund të them gjë, sepse tatuazhet e mia janë abstrakte.

Valza Bajra (këngëtare)

Jam kundër tatuazheve. Nuk i kam qejf  fare, pasi është diçka që mund të më mërzitet duke qëndruar për një kohë të gjatë në trupin tim. Ideja që mund të bëhet i mërzitshëm për mua më bën që mos e çoj ndërmend që ta kem një të tillë në trup dhe jam e bindur që nuk do ta marr kurrë një hap të tillë, madje më pengon nëse partneri im do bënte ndonjë tatuazh. Për mua  tatuazhi nuk sinjifikon asgjë.

Tika Ivezaj (modele)

Nuk kam asnjë tatuazh në trupin tim, por nuk jam kundër tyre. Tani për tani nuk është se kam ndonjë dëshirë të madhe për të bërë tatuazhe, por me kalimin e viteve edhe mundet.

Dorina Xërxa (këngëtare)

Tatto-t janë një prej risive të modës dhe shumica prej njerëzve i bëjnë ato për qëllime estetike, dhe thjesht të duken “trendy”. Por unë personalisht nuk kam ndonjë simpati të madhe për tatuazhet! Më duken “njolla” të panevojshme në trup dhe jashtë mode! Por e çuditshmja qëndron se nuk ka shkuar një muaj që kam bërë një “njollë” të tillë në qafën time, një tatuazh i llojit “celtic” që identifikon shkronjën G , me të vetmin qëllim që të shpreh dashurinë ndaj një personi shumë të rëndësishëm për mua. Përfundimisht, për mua vijnë në shprehje tatuazhet, të cilat kanë simbole dhe kuptim të veçantë, ose që i dedikohen një personi të veçantë. Game Over

Dhe ky është vetëm fillimi i një marrëdhënieje, që edhe pse mund të shndërrohet në një marrëdhënie ekskluzive, mund të zgjasë një jetë të tërë.

Pëlqimi është hapi i parë, por më pas kur futesh në bisedë mund të kuptosh që tërësia e gjërave të përbashkëta është shumë më e madhe nga sa e kishe menduar në fillim.

Me një person të tillë ke dëshirë që të lësh edhe një tjetër takim për ta thelluar më tej njohjen dhe dalëngadalë e kupton që pëlqimi shndërrohet e merr formën e romancës. Dhe kur kjo ndodh, atëherë gjërat shkrihen dhe të duket se atë njeri që e pëlqeve aq shumë në fillim e ke njohur prej një jete të tërë dhe nuk arrin të kuptosh dot se si ke mundur më parë të mos e kesh pasur në jetën tënde.

Por kjo lloj marrëdhënie, kjo romancë që mund të shndërrohet në një gjë shumë të rëndësishme, nuk ndodh pa arsye. Studiues të ndryshëm kanë dalë në shumë përfundime në lidhje me këtë fenomen dhe së fundi është botuar një libër, në të cilin pasqyrohen edhe arsyet e një lidhjeje “magjike”. Në fakt, bëhet fjalë për 5 faktorë që ndikojnë në një lidhje të tillë. Ata janë: vulnerabiliteti, proksimiteti, rezonanca, ngjashmëria dhe mjedisi.

Të kuptuarit e të gjitha këtyre proceseve e bën më të lehtë faktin e lidhjes mes njerëzve dhe mbi të gjitha shpjegon faktin se përse në disa raste arsyet e lidhjes apo pëlqimit kanë të bëjnë pikërisht me atë person dhe jo me ndonjë person tjetër. Le t’i shohim të gjithë këta faktorë në veçanti.

Vulnerabiliteti

I pari i faktorëve të sipërpërmendur është tërësisht i kuptueshëm. Kur kemi brenda vetes dëshirën për të qenë të hapur ndaj ambientit të jashtëm edhe personat që na rrethojnë e ndiejnë dhe janë më të predispozuar për të marrë mesazhe nga ne dhe për t’u lidhur.

Madje, në shumë raste, demonstrime të vogla të dobësisë njerëzore na bëjnë shumë më të pranueshëm dhe tërheqës se sa shprehje të forcës sonë apo të qenët në komandë të situatave të ndryshme. Nëse do të themi “Më vjen keq” për një shkelje këmbe, për një mungesë kujtese apo gjëra të vogla të tjera na afron më shumë me të tjerët përreth.

Njerëzit, duke qenë se janë të ndërgjegjshëm që janë qenie me gabime, duan të kenë të bëjnë me qenie të tilla dhe jo me ata që mund të hiqen si perfektë. Dhe kur kaloni barrierën e parë të intimitetit me dikë që pëlqeni është shumë më e thjeshtë rruga që të çon drejt një lidhjeje më të thellë me personin tjetër.

Ka një linjë ndarëse të qartë mes të shfaqurit të pëlqimit ndaj një tjetri përmes metodave të buta e njerëzore dhe të shfaqurit të kësaj ndjenje në mënyrë prepotente e shumë të hapur.

Vulnerabiliteti të bën edhe që t’i besosh personit tjetër. Kur je i hapur për të treguar me sinqeritet se cili je dhe cilat janë dobësitë e tua, krijon një lidhje më të fortë se në rastin kur përpiqesh që të tregohesh se je i pathyeshëm dhe në zotërim të vazhdueshëm të situatës. Një njeri i tillë është i lodhshëm dhe në disa raste e për disa tipa i frikshëm.

Dhe nuk ka gjë më të mirë se kur të dyja palët luajnë në këtë mënyrë, pra duke qenë të hapur e të çlirët. Menjëherë mes tyre krijohet një atmosferë shumë intime dhe një terren i përshtatshëm për të vazhduar më tej në faza të tjera të marrëdhënies.

Një sjellje e tillë e hapur përmes shfaqjes së dobësive personale kursen edhe shumë kohë për dy persona në një marrëdhënie që në rast të kundërt mund të kërkonte shumë më tepër ditë për t’u krijuar dy të njohurve një intimitet të denjë për një marrëdhënie që mund të konsiderohet si romancë.

Afrimiteti

Mund të jetë fati ai që ju bën që të bini kokë e këmbë brenda me një njeri që e shihni për herë të parë, por në këtë rast mund të ndikojë edhe fakti i aftësisë me këtë person shumë të veçantë. Si për shembull, në rastin kur bëhet fjalë për dikë që banon afër jush.

Studimet kanë nxjerrë në dritë se një numër i madh romancash lulëzojnë me persona me të cilët kemi afri qoftë për sa i përket banimit, apo edhe të punuarit bashkë. Pra bëhet fjalë për shanset e mëdha që të jep afërsia me njerëzit. Nëse keni ndërmend që të gjeni shpirtin binjak, bëni mirë që para se të kërkoni në fund të botës të hidhni sytë rrotull më me vëmendje se më parë, sepse ka të ngjarë që është pikërisht afër jush e të mos ta keni vënë re.

Rezonanca

Por sigurisht që afërsia nuk është kushti i vetëm për lindjen e një romance, sepse në një rast të tillë të gjithë do të përfundonim në marrëdhënie me shokët e bankës, apo fqinjët e pallatit. Një nga arsyet më të forta të këtyre lidhjeve është edhe rezonanca. Kjo ka të bëjë me ndjesinë që ke kur je i bindur në shumë aftësi të tuat dhe ndihesh tërësisht komod në lëkurën tënde. Dhe kur arrin në këtë ndjesi ta gjesh edhe te një tjetër dhe së bashku të krijoni një ndjenjë komforti të përbashkët është një fillim i mirë për një lidhje romantike.

Një ndjenjë e tillë vetëbesimi të bën shumë tërheqës për mjaft njerëz rrotull dhe i tërheq të tjerët pas teje si me “mastiç”. Sigurisht që një rezonancë e tillë është më e fortë në kushtet e stimujve alkoolikë, por ka më shumë efekt kur është në kushte normale. Dhe kur dy veta tërhiqen me njëri-tjetrin, situata është shumë “e nxehtë”. Sipas një studimi, ne influencohemi shumë nga ambienti ku jetojmë dhe kemi shumë më tepër shanse që të qeshim për një barsoletë kur jemi në grup se sa po ta dëgjonim të njëjtën barsoletë po të ishim vetëm. Është e vështirë të lidhesh me dikë që nuk ka një sens humori, që nuk është i muhabetit dhe që nuk përçon miqësi. Të gjitha këto në të njëjtën kohë janë shumë të domosdoshme edhe për një lidhje të gjatë e të qëndrueshme.

Ngjashmëria

Harrojeni shprehjen që thotë se të kundërtat tërhiqen. Kjo mund të ndodhë për 5 minutat e para të një njohje deri në momentin që e gjeni veten në një kundërshti me personin që jeni pranë. Një lidhje e mirë nuk mund të ndodhë kurrë në rast se nuk do të ketë mes njerëzve shumë të përbashkëta. Sipas shumë studiuesve, ne jemi të destinuar që të kërkojmë dhe të ndihemi mirë mes njerëzve, me të cilët kemi ngjashmëri, pra kemi ose tipare të përbashkëta, ose ndajmë të njëjtat interesa. Pra jo të kundërtat, por të ngjashmet tërhiqen me njëra-tjetrën.

Mjedisi

Në jetën tonë e dimë mirë se herë pas here takojmë njerëz me të cilët krijojmë marrëdhënie të mira miqësie, pra takojmë njerëz me të cilët shkojmë mirë, të cilëve ua pëlqejmë bisedën, humorin dhe shumë gjëra të tjera. Por sigurisht që një lidhje e qëndrueshme kërkon shumë më tepër se aq. Dhe në një rast të tillë është një lidhje që jo vetëm të çon në martesë, por mbi të gjitha në një marrëdhënie miqësore që zgjat për vite të tëra.

Një nga gjërat që i bëjnë njerëzit bashkë është të kaluarit së bashku të vështirësive, si në rastin e sëmundjeve, të fatkeqësive personale, apo kolektive. Në raste të tilla mes njerëzve vendoset një raport shumë i thellë e i qëndrueshëm, që nëse gjen terrenin e duhur mund të shndërrohet në një raport dashurie të gjatë. Madje, sipas studimeve, del se sa më e madhe të jetë vështirësia aq më të mëdha janë shanset që dy persona që mbrujnë marrëdhënien e tyre në këtë vështirësi t’ia dalin mbanë në krijimin e një lidhjeje afatgjatë.

Kanceri në zorrë të trashë është i dyti për sa i përket shkallës së vdekshmërisë në Kanada. Kjo është sëmundje e cila ndërlidhet me mënyrën e jetës në vendet e industrializuara.

Kjo është vërtetuar me numrin madh të të sëmurëve në Amerikën veriore, Evropë dhe Australi, ku sëmundja është 25 herë më e shpeshtë, se sa të themi, në Afrikë.

Në periudhën 20 vjeçare (nga viti1983 deri në vitin 2002) kanceri i zorrës së trashë është shtuar dukshëm në vendet në zhvillim, falë mënyrës së jetës që praktikohet në vendet e industrializuara.

Për një numër të madh të të sëmurëve karakteristike është ushqimi i dobët, përplot me yndyra, mbipesha si dhe aktivitetet e pakta fizike. Me një modifikim të vogël të këtyre tre parametrave, lajmërimi i kancerit në zorrë të trashë do të mund të zvogëlohej për 70%.

1.

Ushqimi do të duhej të bazohej në sasi më të madhe të pemëve dhe perimeve, që përmbajnë sasi të lartë të vitaminave dhe përbërësve tjerë që ndikojnë negativisht apo ngadalësojnë zhvillimin e kancerit në zorrë të trashë. Konsumimi i mishit të kuq do të duhej të zvogëlohej në masë drastike, ngase përshpejton shfaqjen dhe zhvillimin e kësaj sëmundjeje. Një hulumtim klinik ku kishin marrë pjesë rreth 500.000 nga kontinenti i Evropës ka treguar se njerëzit që konsumojnë shumë pemë dhe perimetër 40% zvogëlojnë rrezikun për t’u prekur nga kanceri në zorrë të trashë..

2.

Mbajtja e një pese normale jashtëzakonisht ka rëndësi.

Personat që kanë peshë të shtuar apo janë të plotë, 50% më shumë janë të rrezikuar nga kjo sëmundje. Konsiderohet se përqendrimi i lartë i insulinës në gjak dhe shfaqja e infeksioneve kronike, janë ato që shkaktojnë zhvillimin e kancerit.

3.

Aktivitetet e rregullta fizike luajnë një rol kyç në parandalimin e kësaj sëmundjeje. Mënyra e të qëndruarit ulur mund të jetë faktor i një sërë sëmundjesh, e në mesin e tyre dhe të kancerit në zorrë të trashë. Një numër i madh i studimeve ka vërtetuar se aktivitetet e rregullta fizike zvogëlojnë mundësitë e shfaqjes së kancerit në zorrë të trashë për 50%. Kjo shpjegohet me faktin se aktiviteti fizik zvogëlon nivelin e sasisë së insulinës në gjak e me vetë këtë parandalon shfaqjen e proceseve infektuese.

Kadifja me vija është një formë me vija e kadifes. Ajo është një tekstile që përbëhet nga fibrat e përdredhura që, kur enden, shtrihen paralel me njëra-tjetrën në vargje.

Shpesh ka një kanal (bosh te pëlhura bazë) midis vargjeve.

Megjithëse fjala në dukje rrjedh nga frëngjishtja “corde du roi”, kadifja me vija besohet të jetë prodhuar për herë të parë në Mançester, Angli. Zakonisht e përbërë nga pambuk ose një përzierje pambuku/leshi, kadifja me vija mund të tkurret dhe mban aroma.

Është gjithashtu e vështirë që të hekuroset pa sheshuar strukturën dalluese të pëlhurës kadife. Për këto arsye, tharësit me avull janë ideal për trajtimin e kadifes me vija.

Ato mund të thahen lehtësisht dhe të parandalojnë tkurrjen, ato zbusin rrudhat dhe ulin nevojën për hekurosje dhe heqin aromat pa qenë nevoja për larje.

Një seancë në sauna është shumë më i efektshëm se një dush për pastrimin e lëkurës duke e bërë atë të butë dhe të shëndetshme.

Nëpërmjet lëkurës dalin jashtë pjesa më e madhe e papastërtive. Në këto elementë kimikë hyjnë edhe: shampot e trupit, xheli i dushit, losionet, sapunët dhe deodorantët.

Sauna rrit dhe përmirëson qarkullimin e gjakut dhe frymëmarrjen. Nëse në nxehtësi enët kapilare hapen, në të ftohtë kontraktohen për reaksion. Në këtë mënyrë qarkullimi i gjakut bën një gjimnastikë të nevojshme, transmeton MIA.

Nxehtësia dhe lagështia e saunës shpërndan dhimbjen dhe relakson muskujt e lodhur. E efektshme sauna është edhe për dhimbjet e artriteve. Këshillohet që saunat në këtë rast të frekuentohen deri në tri herë në javë. Nëse i frekuentoni më shpesh efekti rrezikon të jetë i kundërt.Trajtimi i rregullt i saunës i kombinuar me një dietë të shëndetshme dhe ushtrime gjimnastikore të pranueshme do t’u ndihmojë të humbisni peshë dhe lufton celulitin.

Në këtë periudhë konsumoni shumë ujë pas dhe para seancës së saunës pasi rrezikoni të dehidratoheni. Shmangni konsumimin e pijeve me gaz. Për çdo 30 minuta do të digjni 300 deri në 500 kalori. Sauna, jep gjithashtu çlirim nga astma dhe bronkitet dhe mund të parandalojë të ftohtin.

Studimi ka treguar se raporti seksual është një nga shumë aktivitetet që shërben për të vënë larg zemrën nga sëmundjet dhe ataku, duke qenë se 20% e goditjeve në zemër ndodh tek personat që nuk kanë një jetë seksuale shumë ritmike.

Ka rezultuar e saktë shprehja e paraardhësve se “nuk ka dietë më të mirë se sa seksi”. Ushtrimi fizik 30 minuta në ditë 5 herë në javë është kundërpërgjigjja më e mirë për shqetësime kardiake në përgjithësi.

Mesazhi u dërgohet në përgjithësi njerëzve që janë mbi 50 vjeç, që për shkak të moshës dhe peshës nuk i “kanë mirë punët” me zemrën e tyre.

Studimi ka treguar se raporti seksual është një nga shumë aktivitetet që shërben për të vënë larg zemrën nga sëmundjet dhe ataku, duke qenë se 20% e goditjeve në zemër ndodh tek personat që nuk kanë një jetë seksuale shumë ritmike.

Sigurisht për t’i ardhur në ndihmë kësaj mënyre shumë të kënaqshme për t’u ruajtur nga kjo dobësi, duhet një dietë shumë e mirë, kujdes për veten dhe mbi të gjitha ushtrime fizike.

Numri i përdoruesve mobil të shërbimit Twitter është rritur për 62% që nga mesi i prillit falë lansimit të aplikacioneve zyrtare të Twitter për telefonat iPhone, Android e BlackBerry.

Gjatë kësaj periudhe kohore pjesëmarrja e përdoruesve të Twitter të cilët në shërbim qasen drejtpërdrejt nga celularët është rritur në 16% krahasuar me 5% sa ka qenë më herët, thekson drejtori ekzekutiv i Twitterit, Evan Williams.

Ai thotë se klientët e rinj kanë përmbushur pritjet dhe se kanë tërhequr numër më të madh të njerëzve në Twitter, e çka është edhe më me rëndësi, i kanë mbajtur ata si përdorues aktiv. Para lansimit të këtyre klientëve zyrtarë kanë ekzistuar një numër i madh i aplikacioneve të ndryshme për këtë qëllim, mirëpo asnjëra prej tyre nuk ka qenë zyrtare. /Telegrafi/

Sandi Adi Susanto, djali 4-5 vjeçar nga Indonezia i cili u bë i famshëm në media si djali që tymos, tashmë e ka hedhur tutje zakonin e keq dhe ka nisur shkollën.

Por, tashmë, ai thotë se i pëlqen të shkojë në shkollë, pasi atje mund të luajë me lodra dhe të vizatojë piktura. Një shkollë e zonës ka siguruar arsim falas për vogëlushin dhe i ka dhënë një banesë modeste familjes së tij brenda mjediseve të shkollës.

Më herët, qeveria lokale dhe komisioni kombëtar për mbrojtjen e fëmijëve e kishin dërguar djalin në një spital ku ai qëndroi më shumë se katër muaj. Vogëlushi iu nënshtrua trajtimit për të shëruar varësinë nga duhani. Tashmë, ai ka filluar shkollën dhe po përmirëson të folurën.

Duke iu referuar të dhënave të Organizatës Botërore të Shëndetësisë, 3.2 për qind e fëmijëve nga mosha 3 deri 15 vjec janë duhanpirës të rregullt. Megjithatë, në disa qytetet të Indonezisë, qeveria ka ndaluar duhanpirjen në vende publike.

/alsat/

Ndihemi më të lodhur tani se sa para se të shkonim me pushime. Duket e çuditshme, por në të vërtetë është mjaft normale.

Gjithcka shpjegohet me veprimtarinë e gjendrave që gjenden mbi veshka dhe që prodhojnë ato që njihen rëndom si “hormonet e stresit”, adrenalina dhe kortizoni. Këto hormone janë të rëndësishme në mënyrë që organizmi ynë të reagojë ndaj atyre që ne i quajme “ngjarje stresante” dhe që nuk janë domosdoshmërisht ngjarje të rrezikshme, por edhe probleme te përditshme që hasim në punë, në familje e shoqëri.

Kjo rutinë “stresuese” gjatë pushimeve lihet mënjanë duke bërë që dhe gjendrat e hormoneve të prodhojnë më pak kundrejt rutinës së pjesës tjetër të vitit.  Rikthimi në jetën normale, aq më tëpër kur rikujtojmë shpeshherë kohën e kaluar pushim, bën që gjendrat mbiveshkore të punojnë më shumë se zakonisht duke bërë që të hasim vështirësi në përshtatjen me jetën e përditshme. Por pa merak, është vetëm çështje ditësh!

Elona Mamushi – Alsat

Ato edukohen, që të vogla me idenë e “vajzave të mira”, të cilat janë të gatshme të vetëmohohen se sa të hapin gojën gjatë aktit seksual, ose të shprehin një dëshirë të brendshme.

Suksesi në jetën seksuale varet edhe nga fjalët. Kjo tashmë nuk vihet në diskutim. Kështu çdo grua sado e ndrojtur qoftë, jo vetëm mundet, por duhet të mësojë të shprehë dëshirat e saj seksuale. Seksologët pohojnë se shumica e femrave veprojnë në bazë të një psikologjie afërsisht të njëjtë.

Ato edukohen, që të vogla me idenë e “vajzave të mira”, të cilat janë të gatshme të vetëmohohen se sa të hapin gojën gjatë aktit seksual, ose të shprehin një dëshirë të brendshme.

Nga ana tjetër, është tragjike të mendohet se burrat, në shumicën e rasteve preferojnë një partnere, e cila të jetë krijuese në krevat dhe t’i përmbushë ata. Dhe përmbushje pa fjalë nuk mund të ketë.

Seksologët sugjerojnë se “duhet të kapërcesh veten tënde, komplekset e tua dhe të kërkosh atë, që vërtet të kënaq”. Fakti se nuk ke përdorur kurrë më parë fjalë gjatë aktit seksual, nuk do të thotë se nuk duhet të përdorni. Madje nëse realizoni hapin e parë, do t’ju duket mjaft interesant. Si fillim, çfarë do fjale, që të përdorni do të jetë eksituese, megjithëse ajo mund të mos jetë kaq shumë e goditur.

Një shprehje e thjeshtë si p.sh. “kjo më bën të ndjehem mirë”, mund të jetë premisë për një lidhje më të mirë erotike. Po kështu, mund të thoni diçka fare të sinqertë si “më pëlqen kur më ledhaton”. Dhe pak nga pak përparoni, duke përdorur fjalë të tjera më joshëse si “ndjehem kaq mirë në krahët e tua…”

Pyeteni partnerin tuaj: “Mos ndoshta në mendjen tënde vërtitet ndonjë ide erotike, që do të doje ta provonim?” Dhe nëse ai përgjigjet pozitivisht, kërkojini atij, që t’jua përshkruaj idenë me detaje. Më pas është radha juaj. Duhet, që ju ti bëni partnerit përshkrimin e fantazisë suaj. Ose në rast të kundër përpiqu të trillosh një histori dashurie, duke u përpjekur që atmosfera, gjithnjë të jetë e ndezur dhe sa më e ngrohtë. Në këtë moment hidhni një sy partnerit. Si reagon ai, si e përjeton mesazhin seksual?

Shkëmbimi i ideve dhe i fantazive tuaja me partnerin, supozohet ti japë më shumë ngjyra atmosferës, që do të çojë tek krevati. Dhe pak nga pak, duke “regjizuar” pjesë të ndryshme si p.sh., e sëmura dhe doktori, viktima dhe shpëtimtari etj., mund të kaloni në dhomën e gjumit. Gjithçka që përmblidhet në fantazinë tuaj duhet ti shkojë për shtat rrethanave, që keni në dispozicion. Megjithatë mos prisni, që gjithçka të jetë perfekte, pasi mund tu ndodhin edhe të papritura. Përpiquni ta largoni partnerin nga çdo veprim që ju e konsideroni jo erotik duke sugjeruar një zgjidhje të shpejtë e efikase.

Në marrëdhëniet me partnerin gjithnjë duhet të jeni më konkrete. Nëse i shpreheni me fjalët: “Dua të më bësh të ndjehem mirë me ty…”, në të vërtetë nuk keni bërë asnjë hap përpara. Partneri do të jetë i çoroditur, nuk do të dijë se çfarë kërkoni faktikisht: t’ju bëjë një mesazh të ngrohtë apo t’ju përkëdhelë nëpër qafë? Në mënyrë që të ndjeheni sa më të afërt, mund të përdorni edhe “nofka”, për të cilësuar organet seksuale të njëri-tjetri, mjafton që falët e zgjedhura të mos jenë tepër të rëndomta e të prishin seriozitetin e atmosferës.

Meshkujt, zakonisht, kërkojnë nga partnerët, që të nënvizojnë dukshëm egoizmin e tyre duke thënë: Je shumë i mirë. Askush nuk më ka mbushur kaq shumë se sa ty… etj. Kështu shumica e femrave theksojnë se fjalët e mëdha e udhëheqin partnerin e tyre në gjendje ekstaze. Duke shqiptuar këto fjalë, femrat eksitohet, njëlloj si burrat. E, sigurisht, kur i drejtoheshin dikujt me të tilla fjalë, ato padyshim do të lënë gjurmë edhe mbi ty.

Pikërisht në këtë pyetje nis ankthi i pafund për një burrë të vërtetë. Por sipas tyre, fjalët e përdorura nga partnerja në krevat janë treguesi më i qartë për arritjen apo jo të kënaqësisë seksuale. Njëkohësisht fjalët i bëjnë meshkujt të ndjehen më të lirshëm, duke i shtyrë ata drejt ideve të reja. Nëpërmjet fjalëve, me të cilat një femër i drejtohet partnerit të saj, ajo përcjell gjendjen e saj emocionale. Ajo ndjehet e lirshme, e kënaqur dhe shfaq besim ndaj partnerit në krevat. Duke mos qenë e kontraktuar e duke e përjetuar aktin sa më thellësisht, femra arrin të krijojë një sfond erotik tepër eksitues për të dy partnerët. Shumë femra sot, mendojnë se duke përdorur fjalë gjatë marrëdhënieve erotike, partneri do të mërzitet apo do të trembet, duke humbur respektin për to. Në të vërtetë nuk ndodh kështu. Shumica e meshkujve, gjithnjë, janë në kërkim të fjalorit erotik në krevat. E nëse femrat arrijnë, gjatë aktit seksual, tu shfaqin një anë tjetër të vetes së tyre, kjo do të shihej e përjetohej me shumë interes nga seksi mashkullor.

Po kështu duhet të dimë se meshkujt kanë dobësi të theksuar për të kryer seks të vrazhdë. Po, fjalori erotik ka rregullat e tij. Çdo shkelje mund të jetë me pasoja. P.sh. në momentet që i drejtoheni partnerit përpiquni që zëri juaj të jetë sa më i ëmbël, sa më erotik dhe thënia sa më e goditur. Për të provuar tingullin e zërit tuaj, mund të përdorni kasetofonin.

Një mënyrë tjetër është edhe thënia e fjalëve që do të përdorni përpara pasqyrës. Kështu fitoni besim në vetvete dhe fjalët nuk tingëllojnë kaq shokuese. Gjithashtu ju sugjerohet të lexoni sa më shumë letërsi erotike. Këtë në fillim mund ta bëni vetëm por më pas mund të lexoni së bashku me partnerin. Asgjë nuk është më seksi se një femër plot vetëbesim, e cila di mirë se çfarë kërkon dhe që nuk trembet ti bëjë dëshirat e saj reale.